اول شي بسم الله الرحمن الرحيم
طبعاً بما اني يديدة على ساحات البلوقز "يديدة ان يكون عندي بلوق خاص فيني اقصد" راح يكون البلوق هالجم يوم شوي معفن وشغل بوطقة .. بس نطروني اتعلم عليه عدل وراح يصير احسن بلوق بالكويت <-!
مو مهم شكل البلوق ولا الدزاين ولا المظهر الخارجي .. اهم شي المضمون .. يعني تخيلو تشوفون ككاو بالجمعية .. شكله يعجبكم .. قرطاسه ملون وشكله حركات وحاطينه داخل باكيج شغل عدل ..تشترونه ولما ترجعون البيت ولا طعمه خايس!!! ومعناته ان انتو انخدعتو بالمظهر ..وهذا اللي انا حابة اوصله لكم <<قولي والله
البلوق مالي راح اناقش فيه كل قضايا الفن والاعلام والسياسة بعد اذا تبون..ماراح اخليه مختص بمجال محدد عشان لا احس ان مسافتي محدودة بالكتابة والتعبير عن الراي .. وبما ان اساس البلوق اهوا التعبير عن اراءنا بحرية من غير مانحس بأي قيود .. انا راح اكسر كل قيد يحاول ان يحد من تعبيري عن رايي .. عالاقل بالنت : )
وبما اني طالبة اعلام من الدرجة الثالثة <<يعني سنة ثالثة .. راح احاول اني اتكلم اكثر شي بمجالي .. وانا وحده مثل ماتعرفون احب الفن واموت فيه .. راح اتكلم عنه اكثر شي اكثر شي اكثر شي .. بس بليز اللي يشوف الفن سخافة وملاقة وتفاهة اتمنى انه مايشارك وياي .. لان هالبلوق موجه حق الناس اللي مثلي .. تحب الفن وتفهم فيه .. وان شاء الله يكون مستقطب حق كل هوات هذا الجانب .. رايي ورايكم بكل شي نشوفه , نسمعه ونقراه :D
0 comments:
Post a Comment