اول موضوع لي .. المفروض ان اول موضوع يكون عن شي يسوا وعن شخصية تسوا .. بس للاسف هالشي مو عندي .. لان في موضوع بالفن صار امس .. لفت انتباهي بشكل كبير
الموضوع عن وحده من اسخف الوحدات على وجه الارض .. معتبرة نفسها اعلامية واهيا ماتعرف أيه بي سي اعلام .. ومعتبرة نفسها صحفية .. واهيا ماتعرف اساس الصحافة .. ماعندها اخلاقيات اعلام ولا تعرف شلون تبتدي وشلون تخلص .. كانت غاثتنا بمجلتها .. وانتشرت من مجال المطبوعات لي مجال المرئيات .. يعني ماكفاها انها تغثنا بالمجلة .. راحت وافتحتلها قناة عشان تغثنا اكثر وعشان تحطم كل خيط يربطها بالاعلام النزيه بشكل كامل
اكيد عرفتوها
الموضوع عن وحده من اسخف الوحدات على وجه الارض .. معتبرة نفسها اعلامية واهيا ماتعرف أيه بي سي اعلام .. ومعتبرة نفسها صحفية .. واهيا ماتعرف اساس الصحافة .. ماعندها اخلاقيات اعلام ولا تعرف شلون تبتدي وشلون تخلص .. كانت غاثتنا بمجلتها .. وانتشرت من مجال المطبوعات لي مجال المرئيات .. يعني ماكفاها انها تغثنا بالمجلة .. راحت وافتحتلها قناة عشان تغثنا اكثر وعشان تحطم كل خيط يربطها بالاعلام النزيه بشكل كامل
اكيد عرفتوها
نضال الاحمدية!!!
صاحبة افشل مجلة وافشل قناة على الاطلاق .. صج اهيا مجلتها فاشلة وقناتها افشل .. بس للاسف في لها متابعين .. بس مو عشان سواد عيونها .. عشان الناس عندها فضول تحب تشوف وتعرف شنو اللي يصير بحياة الفنانين .. حتى لو كانت المعلومات كلها غلط بغلط عنهم .. بس المهم انهم يقرون .. لان اهيا تتبع نمط الصحافة الصفراء .. اللي تعتمد عالاثارة بشكل اساسي .. كل حجيها بالمجلة اهيا واللي يكتبون عندها فاضي .. ماعندها غير فنانة سوت وفنانة حطت .. اسلوبها وصخ ومعفن لأقصى درجة .. والمشكلة انها مفتخرة انها تعرضت بيوم من الايام لمحاولة قتل .. عبالها هالشي فخر وشرف لها .. ومابقت وحده مارفعت عليها قضية ويريرتها من محكمة لمحكمة .. ومع هذا ماكو فايدة .. بس تخلص من قضية ترجع لحالتها المعتادة وعقدتها المستميتة .. واهيا الفنانات وشلون تكتب عنهم وتشهر فيهم .. والمشكلة تتكلم بالشرف والاخلاق واهيا الحمدلله والشكر .. وتتكلم بأدق التفاصيل عن حياة الفنان جنها عايشة معاه .. والمشكلة الاكبر ان في ناس تصدق كلامها .. بس طبعاً مو الناس الفاهمة
اعتقد ان هذي نبذة كافية عنها!
خلوني اقولكم شنو اللي قهرني فيها ولفت انتباهي هاليومين ..
امس كان عندها حوار مع الاعلامي الكبير عمرو اديب على قناة اليوم بشبكة اوربت فبرنامج القاهرة اليوم .. طبعاً عمرو اديب هزأها عالاخر وحاول انه يكشف عقدها اللي ماتنتهي
تكلمت امس عن الكل .. تكلمت عن هيفا وهبي , نجوى كرم , نوال الزغبي , اليسا , نانسي عجرم .. الخ
ومن بين تصريحاتها الفتاكة واللي تسببت بحالة من الضحك الشديد بكل المنتديات الفنية اهيا : انا اجمل من هيفا وهبي
طبعاً ندري ان المراة لما توصل لسن اليأس تحوشها حالة احباط وتصير تبحث عن انوثتها اللي اكل عليها الدهر وشرب .. بس مو لهالدرجة عاد! يعني خفي علينا شوي يامدام نضال لان شبعتينا ضحك ..
وترجع وتصرح نضال مرة ثانية من بين كلامها وكأنها قايلة شي عادي : امي اقترب من الستين!! يعني ام هالعيوز لما الحين بالخمسينات .. اذا كانت مدام نضال عمرها فوق الخمسين .. خلونا نقول 52 مثلاً .. الام جم بيكون عمرها؟ 59!!!!! مدام نضال ممكن تفهمينا شنو سر الامومة المبكرة اللي حاشت امج قبل لا تييبج؟
ومن بين تصريحاتها النارية .. ان بنات لبنان اللي يطلعون ويسوون كليبات شوهو صورة لبنان وانها بتخجل لما تشوفهم.. وان لبنان ماكانت جذي من قبل
والله انا اللي اعرفه ان لبنان من اول ماطلعت الدنيا وبناتها متحررات لابعد حد .. يعني بلد منفتحة بشكل كبير عالثقافة الغربية .. ومن ايام صباح وجاكلين خوري واهما يطلعون بالمايوهات بالافلام ويستعرضون اجسامهم بالصور .. الحين بس تشوهت صورة بنات لبنان من جم كليب عالفضائيات؟؟؟ مادري نضال حابة تضحك على منو بهالكلام .. ومعتبرة نفسها اهيا المحاربة النزيهة اللي راح تحارب الفساد والعري .. الخ
المصيبة انها اهيا سمعتها زفت .. واللي يشتغلون معاها بالمحطة والمجلة نصهم قيز وليزبيانز .. يعني المفروض انها تكون اخر وحدة تتكلم عن الشرف والنزاهة .. وعلى فكرة في فنانات اوصخ منهم مافي بس ماتهاجمهم وتعتبرهم من الفنانات الشريفات .. تعرفون ليش؟؟ لانهم يدفعون لها .. واللي ماتدفع ياويلها من نضال
ياريت يامدام نضال تريحينا وتفهمين انج مسخره وتعبنا واحنا نضحك عليج وعلى تخريفج .. انتي وصلتي لأرذل العمر .. حاولي انج تتقربين حق الله اكثر وتتفرغين لحياتج الخاصة وايد ابرك ياطفيلية الاعلام
واخليكم مع اخر ابداعات نضال بحوار عمرو اديب معاها امس على اوربت برنامج القاهرة اليوم : )
part #1
part #2
part #3
1 comments:
عجبتني المقدمة ، بجد إنك مبدعة
جاري قراءه باقي المقال ...
ملحظة :أتمنى بس إنك تكتبي باللغة العربية لأني أوقات ما أفهم اللهجه الكويتية ...
وشكرا
Post a Comment