هالموضوع المفروض اني اكتبه قبل 3 او 4 ايام على الاقل .. بس والله كلش ماكنت فاضية ومافضيت الا اليوم جدولي تقريباً مزحوم
المهم اللي ابي اقوله ان يوم الاربعا اللي طاف 19-11 كان في مناظرة بجامعة الكويت كلية الاداب .. مابين الدكتورة اسيل العوضي ورئيس جمعية السلف فهيد الهيلم .. والمناظرة كانت عن لجنة الظواهر السلبية .. وطبعاً انا كنت حاضرة مثل عادتي بأي نشاط جامعي لول .. يعني شقولكم عن المناظرة .. اول شي اسيل العوضي ابتدت من بعد ماكانو يتعازمون والأخ فهد الهيلم كان رافض انه يبتدي .. فبلشت اسيل وكلامها كان كله منطقي واسلوبها مرتب .. وطريقة سردها لنقاطها كانت واضحة ومباشرة .. اهيا مو ضد اللجنة بحد ذاتها .. لكن ضد طريقتهم وضد ان تكون تابعة لمجلس الامة .. وضد مقياسهم ومعيارهم للظواهر السلبية اللي اساساً مو واضحة لول .. وبعد ماخلصت اسيل وصلتها الاولى .. دخل الاخ فهد الهيلم .. يعني بصراحة ماشفت اسلوب متدني مثل اسلوبه .. مادري على أي اساس حاطينه متحدث .. المفروض هذا يقعد ساكت .. لا اسلوب ولا مفردات ولا طريقة .. قاعد يتكلم عن لجنة الظواهر السلبية من منظور تاريخي ومتى اسسوها ومتى اطلعت ومتى مادري شنو .. واسلوبه مو مرتب .. وقاعد يصارخ .. ولا عنده ادنى مقومات الخطابة .. كان يتكلم وجنه الحين اسيل مهاجمته .. يعني واضح ان كاتب الكلام اللي يبي يقوله على ورقة .. والكلام مكتوب على اساس ان اسيل بتهاجمه .. بس اسيل ماهاجمته وكلامه اللي كاتبه عالورقة طاح بجبده .. بس طبعاً ماعنده غيره سو لازم يقوله سواءاً كان مناسب للموقف او غير مناسب .. يعني من كثر ما اهوا تافه .. بداية المناظرة اسيل قالت انا ببتدي لان السيد فهيد الهيلم حاب يمشي على سياسة ليدز فيرست .. ولما صار دوره قال انا ما امشي على سياسة ليدز فيرست بس خليتها تبتدي عشان اثبتلكم اني مو ضد المرأه!!!!! يعني الحين لما تخليها تبتدي بتثبتلنا انك مو ضد المرأة ومع حقوقها؟؟ صراحة ماشفت سطحية اكثر من جذي .. يعني اخوانا السلف على أي اساس تخلون واحد مثل هالشخص المضطرب نفسياً رئيس عليكم؟؟ من عذر انتو تتعاملون بهالاسلوب طالما رؤساكم هالنمونة .. مرة ثانية حطولكم شخص متعلم ودارس .. هذا حتى مادري شناديه .. لا اهوا دكتور ولا اهوا شي .. يعني لما ييت اسئله واكلمه .. احترت اقوله استاذ!! شفتها كبيرة عليه .. اقوله يالاخو؟ خفت يعتبرها اساءة له بما اني ليبرالية لول .. ياسلف ياحلوين انا مو ضدكم بالعكس احترم وجهة نظركم اكثر من شلة سيد قطب ملوت الخمخمة .. بس رجاء حار لما تبون تييبون متحدث عنكم .. يبو واحد سنع .. مو واحد يفشل .. وطبعاً كانت المناظرة من صالح اسيل وبإمتياز .. كافي انها فشلته وهزئته وقالتله انصحك تاخذ كورس فلسفة عندنا عشان تعرف اداب الحوار هاهاهاهاها .. بس بردت جبدي
0 comments:
Post a Comment