ايام .. نصحى من النوم .. نشوف الدنيا كلها .. هذاك اللي حبيناه .. حياتنا من غيره مو مقبولة .. مانقدر نعيشها .. من غير سالفة منه .. كلمة منه .. ضحكة منه .. شلون لأ واهوا اللي حبنا عطيناه؟ نصير نفكر دايماً بعيونه .. ننسى كل شي حولنا .. اهلنا .. ناسنا وقرايبنا .. ومانذكر شي غير هذاك .. هذاك اللي حبيناه .. وبعيونا حطيناه!!
.
.
فجأة نسأل .. وينه؟؟ غايب ولا احنا فاقدينه؟ هو مثل الاول يحبنا ولا نسانا ؟ مانلقى لسؤالنا جواب .. مانلقى غير صدا .. يرجع ويضحك علينا .. كئيبة؟ اي نعم قصتنا كئيبة .. وذاك الصدى الملعون زادها كئابة .. غريبة؟ لا والله ماهي غريبة .. على واحد ماخذ حبنا غرابة! نبتدي فجأة نلح بالسؤال .. حبيبي .. تحبني ؟ والصدى الملعون يرجع .. يضحك .. بس .. بصوت اكثر كئابة .. لا جواب .. لا رد .. لا حس يطيب الخاطر .. معقولة؟ حبايبنا اكرهونا؟ بعد ماكانو يعشقونا؟ اسئلة تدور على بالنا وخيال .. يحطم امالنا .. نطلب جواب .. ابسط حقوق العاشق من حبيبه .. حتى ولو الجواب معروف .. والله قلبنا عليه ملهوف .. لحظة!!! معروف؟ لكن احنا ليش شاكين؟ شنو اللي جدامنا شايفين؟ يحبنا؟ ولا نسانا؟ وفجأة نسأل .. وينه؟؟؟؟؟
.
.
وتمر الثواني .. والدقايق .. والساعات .. والايام .. ويقطع اول شهر .. اول شهر يقطع .. واحنا نطلب الحق اللي ضاع .. ضيعه سؤال .. ماله جواب .. حسبي الله على ذاك السؤال .. ماكان يرحمنا من حبنا اللي حرقنا .. نبيه يرسينا .. يعلمنا .. يفهمنا .. منهو احنا في حياته؟ ليش متغير علينا؟ والصدى مسيطر .. ومامن شخص يقدر عليه ..آه لو يقدر يقولها .. آه لو نسمعها منه .. نتمنى .. وننام .. ونحلم .. ونصحى واحنا على حلمه .. نشوف الحب بعيونه .. ولسانه صعب ينطقها .. صعب يقدم لحبيبه حق .. يطلبه منه!
.
.
خلاص .. الشهر عدا .. فجأة .. نلتفت .. ونشوف حوالينا ناس .. ناس موجودين من الاول .. بس وين اللي يشوف؟ حياة .. مليانة افراد .. لكنهم بفترة كانو بعاد .. وكثر مايبعد الحبيب .. كثر ماغيره يكون قريب .. ومن غير مانطلب .. نشوف الحق اللي ضيعناه .. يجينا من واحد ثاني .. غير اللي حبيناه .. نبتدي نقارن .. نشبه .. نفرق .. وبالاخير نوصل .. نعم نوصل!! هذا هو بر الامان ؟ هذا هو مرسى الزمان؟ معقولة نحب ثاني؟ معقولة ننسى حبنا الاولاني؟ أي حب هذا اللي شهر وننساه ؟؟ حب الجفا ؟ حب الكئابة اللي عنه كانت قصتنا؟ هذي هي نهايته؟ وين القوة اللي كنا عنها انتكلم؟ "حبنا اسطورة حبيبي .. مايصير عنها انتكلم ".. مو هذا اللي كنا نقوله؟؟ خلاص .. ماعاد اسطورة حبيبي .. ماعاد الحب اللي لا يقهر .. هوا وشميناه .. وقت وعشناه .. فترة وعدت .. دنيا وراحت .. تراني ماتكلم عن نعمة النسيان .. انا اتكلم عن اخرة الانسان .. الموت .. اللي يعطي لكل شخص حقه .. من غير مانطلب حبيبي .. من غير مانسأل حبيبي .. من غير مانبكي حبيبي .. عشنا .. ومتنا .. لا حب خذيناه .. ولا حتى عشناه .. وآخر مانقدر نقول "هذاك اللي قلت حبيته .. والله وهانت سنينه ونسيته .. قلبي لغيرك عطيته .. خذاه منك الموت .. ياحبيبي" وعمرنا عدا وراح ...
4 comments:
السلام
الحين اقرى كلامج عن نفسج استنانس اشوف مقالتج استعجب شنو هالتناقض
بالسيره الذتنية كاتبة انج ماتحبين تفاهات الشباب و البنات من هذا الجيل لانه جزء منهم كبير تافه و انا معاج لكن ماهقيت مقالتج أمل الكويت تكون بهالوقاحة يعني انا اول مره اشوف حب مومنحقج و تجاهرين فيه حفظي نفسج و وفري حبج لزوج المستقبل انفعلج من خمة الشوارع و الي ماوراهم غير اللعب بعراض الناس و خافي ربج و احترمي ثقة اهلج
و انصحج لاتحاولين تردين علي لان ماراح يوصلني ردج
صدقتي ..
غريب لما الواحد يدري انه في غيره يحس بنفس الشعور بنفس هالوقت ..
لا تقطعين هالكتابات الحلوة ..
اول مره اقرا البلوق مالج وعجبني
:)
خوش كلام ...مع اني اول مره اقرا الBLOG مالج بس عجبني
اختلاف الاذواق وراء اختلاف الاراء..يعني بتلقين كل واحد وله الرد الخاص ب ذوقه ف تقبلي الرد بروح رياضيه :÷)
Post a Comment